ავტომობილის ხანგრძლივი და უპრობლემო ექსპლუატაციისთვის გადამწყვეტი მნიშვნელობა ენიჭება იმ სასიცოცხლო საპოხ და სამუშაო სითხეებს, რომლებიც მის სხვადასხვა სისტემაში ცირკულირებს. მათი დროული შეცვლა და მონიტორინგი აუცილებელია დაზიანებების თავიდან ასაცილებლად და მწყობრი მუშაობის შესანარჩუნებლად. ამ სტატიაში განვიხილავთ ექვს ძირითად სითხეს, რომელთა რეგულარული განახლება უმნიშვნელოვანესია ჩვენი მანქანის ჯანმრთელობისთვის.
ძრავის ზეთი - Engine oil
ძრავის ზეთი, რომელიც ავტომობილის „სისხლადაც“ იწოდება, დროთა განმავლობაში, თანდათან კარგავს საპოხ, გამწმენდ და დამცავ თვისებებს. ძველი ზეთი ვეღარ უზრუნველყოფს ძრავის მოძრავი დეტალების ადეკვატურ დაცვას ხახუნისგან, რაც უშუალოდ იწვევს მათ სწრაფ ცვეთასა და საბოლოო დაზიანებას. სწორედ ამ კრიტიკული ასპექტების გამო, ძრავის ზეთის რეგულარული და დროული შეცვლა არა მხოლოდ რეკომენდირებული, არამედ აუცილებელია ძრავის ხანგრძლივი და ეფექტური მუშაობისთვის. შედარებით ადრეულ პერიოდში ზეთის შეცვლა ყოველ 6000 კილომეტრზე ნორმას წარმოადგენდა. თუმცა დღეს საპოხი საშუალებების მწარმოებლები გვარწმუნებენ, რომ ეს ინტერვალი შეგვიძლია თამად გავზარდოთ, რადგან მათი ტექნოლოგიები გაუმჯობესდა.
გადაცემათა კოლოფის ზეთი - Transmission Oil
გადაცემათა კოლოფის ზეთი სასიცოცხლო მნიშვნელობას ატარებს ტრანსმისიის კომპონენტების შეზეთვის, გაგრილებისა და დაცვის თვალსაზრისით. მისი სწორი ექსპლუატაცია მოიცავს პერიოდულ მონიტორინგსა და შემოწმებას. ზეთის ფერის გამუქება და მისი სიბლანტის ცვლილება პირდაპირ მიანიშნებს უპირობო შეცვლის აუცილებლობაზე.
ანტიფრიზი - Antifreeze
ანტიფრიზი ძრავის გამაგრილებელი სითხე, ზამთარში სისტემას იცავს გაყინვისგან, ხოლო ზაფხულში გადახურებისგან. დროთა განმავლობაში ანტიფრიზი კარგავს თავის დამცავ თვისებებს: მასში გროვდება ნადები და ჟანგი, რამაც შესაძლოა დააზიანოს ჩვენი ავტომობილის გაგრილების სისტემა. პრობლემების თავიდან ასაცილებლად აუცილებელია მისი დროული შეცვლა.
ჰიდრავლიკის ზეთი - Power Steering Fluid
საჭის ჰიდრავლიკის ზეთი გადამწყვეტ როლს ასრულებს საჭის მართვის სისტემის გამართულ, რბილ და ზუსტ ფუნქციონირებაში. ის, ისევე როგორც სხვა საპოხი მასალები, დროთა განმავლობაში დეგრადაციას განიცდის და კარგავს თავის ფიზიკურ-ქიმიურ თვისებებს. გაუარესებულმა ჰიდრავლიკის ზეთმა შესაძლოა გამოიწვიოს საჭის დამძიმება, მართვის დროს უსიამოვნო ხმაური ან მთლიანი სისტემის გაუმართაობა. ამ პოტენციური პრობლემების თავიდან ასაცილებლად, საჭის ჰიდრავლიკის ზეთის რეგულარული შეცვლა აუცილებელია ყოველ 50,000 კილომეტრზე.
სამუხრუჭე სითხე - Brake Fluid
სამუხრუჭე სითხე წარმოადგენს ავტომობილის უსაფრთხოების სისტემის ერთ-ერთ ყველაზე კრიტიკულ კომპონენტს. მისი ძირითადი ფუნქციაა, მუხრუჭზე ფეხის დადგმისას, წნევა მთავარი სამუხრუჭე ცილინდრიდან საბურავის მუხრუჭებამდე გადასცეს. პრაქტიკულად სამუხრუჭე სითხე მონაწილეობას იღებს ავტომობილის გაჩერებაში. გარდა ამისა, ის იცავს კოროზიისგან. დროთა განმავლობაში სამუხრუჭე სითხე აგროვებს ტენიანობას და კარგავს თავის თვისებებს, რაც ამცირებს დამუხრუჭების ეფექტურობასა და ზრდის უბედური შემთხვევის რისკს. სამუხრუჭე სითხის შეცვლა აუცილებელია ყოველ 50,000 კილომეტრის გავლის შემდეგ.
ხიდის ზეთი - Differential Fluid
უკანა ამძრავიან ან სრულამძრავიან ავტომობილებში აუცილებელია ხიდში ზეთის შეცვლა. ზეთი იცავს მექანიზმებს, როგორც გადახურებისგან, ასევე მექანიზმებს ცვეთისგან. რეკომენდებულია გავითვალისწინოთ მწარმოებლის ინსტრუქციების გათვალისწინება. ხიდში ზეთის შეცვლა სასურველია ყოველ 60,000 კილომეტრზე მანქანის ტიპისა და ექსპლუატაციის პირობების გათვალისწინებით.
